ဒီ Forum ကို Flarum သုံးထားတာပါ။ ရိုးရှင်းတာရယ် Laravel base ဖြစ်တာရယ်ကြောင့်မလို့ရွေးလိုက်တာပါ။ လောလောဆယ် Flarum က beta ဘဲရှိသေးလို့ ကိုဘာလုပ်နေလဲသိမှအသုံးပြုပါဆိုပြီးတော့ warning ကြီးရေးထားတယ်။

Local မှာ Laravel Myanmar Forum ကို setup လုပ်မယ်

Forum install မလုပ်ခင်လိုအပ်ချက်တွေကတော့ Laravel install လုပ်တဲ့အခါမှာလိုတဲ့ Requirements တွေအတိုင်းပါဘဲ။ Composer, PHP 7.2 အထက် နှင့် သူ့ extensions တွေ၊ နောက် MySQL ပေါ့။

Install လုပ်ဖို့စလိုက်ကြရအောင်။ ပထမဆုံး Desktop ပေါ်မှာ forum ဆိုပြီး folder create လုပ်လိုက်ပါ။ ပြီးရင် command line ကနေ forum folder ထဲဝင်ပြီးတော့အောက်ဖော်ပြပါ command ကို run လိုက်ပါ။

composer create-project flarum/flarum . --stability=beta

ပြီးသွားပြီဆိုရင် PHP Development Server ကိုသုံးပြီးတော့ access လုပ်ဖို့ရာအတွက်အောက်ဖော်ပြပါ command ကို run လိုက်ပါ။

php -S localhost:8000 -t public

ပြီးရင် browser ကနေ localhost:8000 ကိုကြည့်လိုက်မယ်ဆိုရင် အောက်ဖော်ပြပါအတိုင်းမြင်ရမှာဖြစ်ပါတယ်။

MySQL database တစ်ခုဆောက်လိုအပ်တာတွေထည့်ပြီးသွားပြီဆိုရင် Install Flarum ကိုမနှိပ်ခင် permission အရင်ပေးရပါ့မယ်။ Permission ပေးဖို့ရာအတွက် command line ကနေအောက်ဖော်ပြပါ command ကို forum folder ထဲကနေ run ရပါ့မယ်။

chown -R www-data:www-data .

ပြီးပီဆိုမှ Install Flarum ကို click နှိပ်ပြီး install လုပ်ပါ။ Installation ပြီးသွားရင်

Something went wrong while trying to load the full version of this site.

ဆိုပြီးပေါ်လာပါလိမ့်မယ်။ ဘာလို့လည်းဆိုတော့ config.php က URL မှာ 'url' => 'http://localhost', ဖြစ်နေလို့ပါ။ အဲ့ကောင်ကို 'url' => 'http://localhost:8000', ဆိုပြီးပြင်လိုက်ရင်အောက်ဖော်ပြပါအတိုင်း result မြင်ရပြီဖြစ်ပါတယ်။

ဒါဆိုရင် Laravel Myanamr Forum ကို install လုပ်တာ success ဖြစ်သွားပါပြီ။ တကယ်တော့ ဒါက installation process ကိုဘဲပြသွားတာပါ။ ပုံမှန် Laravel နှင့် application ရေးသားနေသူတွေအတွက်ကဒီလောက်ကအတော်လေးလွယ်ကူနေပါလိမ့်မယ်။

ဒီလို Forum software တွေသွင်းပြီးအသုံးပြုတဲ့အခါမှာ Developer တစ်ယောက်အနေနှင့်ဆိုလျှင် Installtion တွင်ရပ်မသွားပါနှင့်လို့။ သူတို့ဘယ်လို code တွေ structure ချလဲ DB Design မှာဘယ်လိုတွေလုပ်ထားလည်း source code တွေ DB schema တွေပါလိုက်ကြည့်ပါလို့အကြံပေးချင်ပါတယ်။